मिरे अ‍ॅसेट निफ्टी फायनान्शियल सर्व्हिसेस इटीएफ हा भारतातील पहिला इटीएफ फंड सादरमुदतमुक्त श्रेणीतील ही योजना निफ्टी फायनान्शियल सर्व्हिसेस टोटल रिटर्न इंडेक्सआधारे वाटचाल करणारनवीन फंड गुंतवणूकीस 22 जुलै 2021 ला खुला तर 29 जुलै 2021 ला बंद होणारफेरगुंतवणुक आणि फेरविक्रीसाठी फंड 3 ऑगस्ट 2021 ला पुन्हा खुला होईल .
मुंबई, ता. 24, 2021 : समभाग आणि डेट विभागात अतिशय वेगाने वाढणाऱ्या फंड समुहापैकी एक असलेल्या मिरे अ‍ॅसेट इनव्हेस्टमेंट मॅनेजर्स ( इंडिया ) प्रायव्हेट लिमिटेडने मिरे अ‍ॅसेट निफ्टी फायनान्शियल सर्व्हिसेस ईटीएफ ही नवीन ईटीएफ फंड योजना ( एनएफओ) गुंतवणूकदारांसाठी बाजारात आणली आहे. निफ्टी फायनान्शियल सर्व्हिसेस इंडेक्सच्या वाटचालीचा आढावा घेणारी ईटीएफ प्रकारातील ही भारतातील पहिली फंड योजना आहे. हा नवीन फंड मुदतमुक्त श्रेणीतील असून ऩिफ्टी फायनान्शियल सर्व्हिसेस टोटल रिटर्न इंडेक्सच्या वाटचालीनुसार किंवा त्याचा आधार घेत मार्गक्रमण करणार आहे.
मिरेचा हा नवीन फंड 22 जुलै 2021 पासून गुंतवणूकीसाठी खुला झाला असून 29 जुलै 2021 ला बंद होणार आहे. (Mirae Asset launches India’s first ETF tracking Nifty Financial Services Index)
फंडाची प्रमुख वैशिष्टे :
1) वित्तीय सेवांमध्ये केवळ बँकाच नव्हे तर बँकेतर वित्तीय कंपन्या (एनबीएफसी), विमा कंपन्या, भांडवली बाजार आदींचा समावेश असून ही उद्योगक्षेत्र अद्यापपर्यंत सर्वसामान्यांमध्ये पुरेशा प्रमाणात पोहचलेली नाहीत.
2) देशाच्या एकूण वृध्दीसाठी आवश्यक घटकांपैकी एक असलेल्या या क्षेत्रांमध्ये सहभागी होण्याची संधी गुंतवणूकदारांना या फंडाद्वारे मिळत आहे.
3) डिजीटलायझेशन आणि नवीन उत्पादनांचा उदय यामुळे वित्तीय सेवा क्षेत्राचा झपाट्याने विस्तार होत असून ते एक ठिकठाक असे विविधांगी क्षेत्र ठरले आहे.
4) वित्तीय सेवांनी बाजारात विविध क्षेत्रात अद्यापही अल्प प्रमाणातच शिरकाव केलेला असल्याने या क्षेत्राच्या वृध्दीला प्रचंड प्रमाणात संधी आहेत.
5) किमान पाच वर्ष गुंतवणूकीचा कालावधी बाळगणाऱ्या गुंतवणूकदारांसाठी हा फंड उत्तम संधी आहे.
शेअरबाजारातील विविध क्षेत्रातील निर्देशांकात अतिशय कमी खर्चात थेट सहभाग घेता येण्यासाठी मिरे अ‍ॅसेट विविध निश्चल ( पॅसिव्ह ) साधनांचा बळकट संच तयार करत आहे. याच प्रयत्नांना अनुसरुन आम्ही आता मिरे अ‍ॅसेट निफ्टी फायनान्शियल सर्व्हिसेस ईटीएफ फंड बाजारात उतरवत आहोत. वित्तीय सेवा क्षेत्र हे अतिशय वेगाने वाढले असून विविध पातळींवर वित्तीय क्षेत्रांचा समावेशही वाढताना दिसत आहे. परंतु जागतिक सरासरी गाठण्यासाठी आपल्याला अद्यापही मोठा पल्ला गाठायचा आहे. नाविन्यपुर्ण तंत्रज्ञानाचे पाठबळ लाभलेली नवीन उत्पादने आणि सेवांच्या आगमनामुळे आगामी काही वर्षात वित्तीय सेवांना प्रचंड संधी असून त्यात प्रवेश करण्याच्या दृष्टीने ते आकर्षक क्षेत्र ठरले असल्याचे प्रतिपादन या नवीन फंडाची घोषणा करताना मिरे अ‍ॅसेट इनव्हेस्टमेंट मॅनेजर्स ( इंडिया ) प्रायव्हेट लिमिटडचे मुख्य कार्यकारी अधिकारी स्वरुप मोहंती यांनी केली आहे.
मिरे अ‍ॅसेट निफ्टी फायनान्शियल सर्व्हिसेस ईटीएफ फंड वित्तीय सेवा क्षेत्रातील विविध घटकांचे प्रतिनिधित्व करणाऱ्या 20 कंपन्यांमध्ये गुंतवणूकीची संधी देईल. या निर्देशांकाला 16 वर्षांचा भरभक्कम असा इतिहास आहे. गेल्या पाच वर्षात निफ्टी फिफ्टी इंडेक्सने 15.1 टक्के तर निफ्टी बँक इंडेक्सने 14.6 टक्के दराने दिलेल्या वार्षिक परताव्याच्या तुलनेत या निर्देशांकाने वार्षिक 18.3 टक्क्याने परतावा दिलेला आहे. ईटीएफ फंडाचे एकूण खर्च गुणोत्तर हे अवघे 13 बिंदू एवढेच असून या फंडांची राष्ट्रीय शेअर बाजार तसेच मुंबई शेअर बाजारात नोंदणी होणार आहे. तेथे फंडाची रोखता ही मालमत्ता व्यवस्थापन कंपनी अर्थात एएमसीने नियुक्त केलेल्या यंत्रणेच्या माध्यमातून निर्माण केली जाईल.
फंडाच्या प्रारंभिक प्रस्तावात किमान गुंतवणूक पाच हजार रुपये आवश्यक असून त्यानंतर एक रुपयांच्या पटीत निधी गुंतविता येणार आहे.